Hugleiðing

Rennum vitundinni inn í efsta orkublóm okkar, í kórónuna og finnum styrk og hreinleika breiða sig yfir tilfinningarnar.

Leiðum síðan vitundina inn í ennisstöðina, finnum víðáttu og frelsistilfinningu breiða sig yfir allan tilfinningalíkamann.

Leiðum síðan vitundina inn í hálsstöðina og finnum lífið streyma fram og umbreyta tilfinningunum í jafnvægi og gleði.

Leiðum síðan vitundina inn í blóm kærleikans og finnum elskuna breiða sig yfir tilfinningarnar og breyta þeim tónum sem enn eru sárir í frið og hamingju.

Finnum einingu milli efnis og tilfinningalíkamans. Notum hugann og finnum bát hugans renna sér hljóðlega inn á lygn lón sálarinnar.

Hlustið, finnið og horfið

Erlan

Jólafundur 3. desember 2013

Jólafundur Lífssýnar verður þriðjudagskvöldið 3. desember 2013 kl. 20:30, í Bolholti 4, 4. hæð. Jólafundurinn verður með hefðbundnu sniði, helgileikur , jólasmáhlaðborð og jólaleikir.

Allir velkomnir.
Stjórnin

Félagsfundur 5. nóvember 2013

Lífssýn heldur félagsfund þriðjudagskvöldið 5. nóvember 2013 kl. 20:30, í Bolholti 4, 4. hæð.
Fyrirlesari verður Þórarinn Þórarinsson og ætlar hann að fjalla um vörður á Íslandi.
Aðgangseyrir kr. 1000.

Allir velkomnir.
Stjórnin